دیمەنی پێشبینیکراوی سەنتەری چارەسەری سروشتی لە دهۆک
بە بڕی دوو ملیۆن دۆلار
لە دهۆک سەنتەرێکی تایبەت بە چارەسەر سروشتی دروست دەکرێت
964+
ژێوار خدر
نەخۆشخانەیەکی تایبەت بە چارەسەر سروشتی لە شاری دهۆک دەکرێتەوە بەناوی PEAK PERFORMANCE PHYSIOTHERAPY، لەماوەی دوو ساڵدا دەچێتە بواری جێبەجێکردنەوە.
بەڕێوەبەرایەتی گشتی وەبەرهێنای دهۆک ئەمڕۆ دووشەممە 9.12.2024 رایگەیاند، رەزامەندیمان وەرگرتووە بۆ دروستکردنی پڕۆژەی تەندروستی نەخۆشخانەی چارەسەری سروشتی و بودجەی تەرخانکراو بۆ پڕۆژەکە دوو ملیۆن دۆلارە و بڕیارە لەماوەی دوو ساڵدا پڕۆژەکە بچێتە بواری جێبەجێکردنەوە،
دەشڵێت، پڕۆژەکە پێکدێت لە بینایەکی نهۆمی و لەسەر رووبەری زیاتر لە 1300 مەتر دووجا لە گەڕەکی ماڵتا ئیسلام جێبەجێ دەکرێت.
روونیشێکردووەتەوە، نهۆمی زەمینی پڕۆژەکە، لە بەشی پێشوازی، بەشی تیشک، دەرمانخانە، گەلەری و کافتریا لەخۆدەگرێت، نهۆمی دووەم لە کلینیکی چارەسەر، هۆڵی GYM، هۆڵی چارەسەری سروشتی تایبەت بە ژنان پێکهاتووە، نهۆمی سێیەم هۆڵێکی چارەسەری سروشتی تایبەت بە پیاوان، نهۆمی چوارەم هۆڵی خوێندن و کارگێڕی و کۆگا دەبێت، پارکێکی تایبەت بۆ وەستانی ئۆتۆمبێل و خزمەتگوزارییەکانی پڕۆژەکەش لە نهۆمی ژێرزەمینی بیناکەدا دەبێت.
