کەشتیەک بە 750 هەزار بەرمیلەوە گەڕایەوە
ئەم دۆخەی سووریا زیانی بە نەوتەکەی ئێرانیش گەیاندووە
964+
تونا نەقی
کەشتیەکی ئێرانی کە 750 هەزار بەرمیل نەوتی خاوی تیادابووە و بەرەو سووریا بەڕێوەبووە دوای ئەوەی رژێمەکەی ئەسەد کەوت گەڕاوەتەوە دواوە و بەوەش چاوەرێ دەکرێت قەیرانی سووتەمەنی دروست بێت.
ماڵپەڕی بەدواداچوونی کەشتییەکانی تانکەر تراکرز بڵاویکردەوە کەشتییەکی نەوتهەڵگری ئێرانی کە لە رێگادا بوو بۆ سوریا، دوای رووخانی ڕژێمی بەشار ئەسەد گەڕایەوە دواوە.
دەشڵێت، کەشتییەکەی ئێران نزیکەی 750 هەزار بەرمیل نەوتی خاوی هەڵگرتووە، هەروەها پێشبینی دەکرێت کەمی سووتەمەنی لە سوریا دوای گەڕانەوەی کەشتییە نەوتهەڵگرەکەی ئێران رووبدات.
لەم باروودۆخەی سوریا و گەڕانەوی کشتیەکەی ئێران چین سوود مەند دەبێت لەبەر ئەوەی ئەو نەوتە کەناتوانرێت ببرێتە سوریا چین رۆژانە 60 هەزار بەرمیلی بە داشکانەوە لە ئێران دەکڕێت.
