320 هەزار تۆن بەرهەمی کشتوکاڵی لە سنەوە هاوردەی سلێمانی کراوە

964+

شۆڕش قادری

لە ماوەی هەشت مانگدا 320 هەزار تۆن بەرهەمی کشتوکاڵی لە پارێزگای سنەوە هاوردەی سلێمانی و هەرێمی کوردستان کراوە.

ئاژانسی هەواڵی مێهر لە زاری پویا شەهسەواری بەڕێوەبەری پەرەپێدانی بازرگانی سەر بە رێکخراوی کشتوکاڵی پارێزگای سنە بڵاویکردووەتەوە، “لە 21.3.2024 تا 21.11.2024، 320 هەزار تۆن کاڵا بە بەهای 130 ملیۆن دۆلار لەڕێی دەروازەی نێودەوڵەتی باشماخ و مەرزی سەیرانبەنەوە هەناردەی هەرێمی کوردستان کراوە”.

روونیشی کردووەتەوە، لەو بڕە، 240 هەزار تۆنی لە دەروازەی نێودەوڵەتی باشماخ و 80 هەزار تۆنیشی لە سەیرانبەنەوە هاوردەی هەرێمی کوردستان کراوە.

شەهسەواری ئاماژەی بەوەش کردووە، زۆرترین ئەو بەرهەمە کشتوکاڵیانەی لەو هەشت مانگەدا هاوردەی هەرێم کراوە، تەماتە و دۆشاوی تەماتە بووە بە رێژەی 37٪ و دواتریش کاهو و شووتی و سێو بوون.

زیاتر لە 27 تۆن شووتی لە مەرزی باشماخەوە گەڕێندرایەوە بۆ ئێران

لەڕووی بڕی هەناردە و هاوردە دەروازەى باشماخ بووە سێیەم