دیمهنێكی قهزاى حاجیاوا دواى باران ... فۆتۆ :سۆسیال میدیا
ئەمڕۆ لە ئامێدی زۆرترین بارانباریوە
+964
كوردستان ئەحمەد
لە 12 كاتژمێری رابردوودا زۆرترین باران لە ئامێدی و كەمترین لە سۆران باریوە.
بەشی پێشبینی لە وەزارەتی گواستنەوە و گەیاندنی هەرێمی كوردستان، رێژەی بارانبارینی لە ناوچەكانی هەرێمی كوردستان، لە 12 کاتژمێری رابردوودا بڵاوكردەوە.
بەپێی ئامارەكان زۆرترین بارانبارین لە پارێزگای دهۆك و لە قەزای ئامێدی بووە كە 9.8 ملیمەتر و كەمترینیش لە ئیدارەی سەربەخۆی سۆرانە كە 0.2 ملیمەتر بووە.
لە دەربەندیخان و دەڤەری بارزان و كانی ماسێ زیاتر لە 2 ملیمەتر باران باریوە و لە حاجی ئۆمەران و هەڵەبجەش 1.4 ملیمەتر بارانباریوە.
ئەو رێژەیە لە كاتێكدایە شەپۆلێكی بەفر و باران لە چەند رۆژی رابردوودا هەرێمی كوردستانی گرتوەتەوە و لە چەند ناوچەیەك زیاتر لە مەترێك بەفر باریوە.
هەر بەپێی ئامارەکانی پێشبینی ئەو وەزارەتە، ئەمساڵ لە هەڵەبجە، سلێمانی و هەولێر کەمتر باران باریوە بەراورد بە پار، بەڵام لە دهۆک و کەرکوک زیاتر باریوە.