دهۆک
بەهۆی دوکەڵی بۆیلەرەوە بەشەناوخۆییەکی کچان چۆڵکرا
964+
هیڤی دێوالی – دهۆک
بەهۆی بۆن و دەکەڵی بۆیلەرەوە بەشە ناوخۆییەکی کچان چۆڵکرا، سەرۆکی بەشی ناوخویی زانکۆی دهۆکیش دەڵێت، کێشەیەکی تەکنیکییە لە بۆیلەرەکان دا دروست بووە و مەترسی نییە.
ئێوارەری ئەمرۆ شەممە 2024.12.7، بە هۆکاری بڵاوبوونەوەی بۆن و دوکەلێکی زۆر لە بەشناوخۆیی شیفا گەردی لە دهۆک خوێندکارەکان باڵەخانەکەیان چۆڵیان کردووە.
مەردان ئەترۆشی ، سەرۆکی بەشە ناوخوییەکانی زانکۆی دهۆک بە 964ـی وت، لەهیچ بەشێکی ناوخویی زانکۆی دهۆک سیستەمی غاز نییە ئەو دەنگۆیەی بڵاوبووەتەوە راست نییە، تەنیا کێشەیەکی تەکنیکی لە بۆیلەرەکان هەبووە بەهۆی دووکەڵەکەیەوە بەشە ناوخۆیەکە چۆڵکراوە.
وتیشی، لەئێستادا هیچ مەترسی لەسەر باڵەخانەکە نییە و بە زووترین کات چارەسەر دەکرێت.
پێداچوونەوە: توانا نەقی