32 یانە بەشدارن
تیروپشكی مۆندیالی یانەكان لە مەیامی راكێشرا و هاوینی داهاتوو بەڕێوەدەچێت
964+
ئەرسەلان عەبدوڵا
ئەمشەو لە مەیامی لە ئەمریكا، بە ئامادەبوونی چەند ئەستێرەیەكی ناوداری تۆپی پێ، تیروپشكی مۆندیالی یانەكان راكێشرا.
ڤێرژنی نوێی مۆندیالی یانەكان بە بەشداریی 32 یانە بەڕێوەدەچێت، كە حوزەیرانی داهاتوو لە ئەمریكا دەكرێت.
تیروپشكەكە بەم جۆرە بوو:
كۆمەڵەی یەكەم: پالمیراس، پۆرتۆ، ئەهلیی میسریی، ئینتەر مەیامی
كۆمەڵەی دووەم: پاریس سانجێرمان، ئاتلێتیكۆ مەدرید، بۆتافۆگۆ، سیاتڵ ساوندەزر
كۆمەڵەی سێیەم: بایرن میونشن، ئۆكلاند سیتی، بۆكاجۆنیۆرز، بێنفیكا
كۆمەڵەی چوارەم: فلامینگۆ، ئەلتەرەجی، چێڵسی، كلەب لیۆن
كۆمەڵەی پێنجەم: ریڤەرپلەیت، ئۆراوا رید دیامۆندز، مۆنتێری، ئینتەرمیلان
كۆمەڵەی شەشەم: فلۆمینێنزی، بۆروسیا دۆرتموند، ئۆلسان هیوندای، سەن داونز
كۆمەڵەی حەوتەم: مانچێستەر سیتی، ویداد بەیزاوی، ئەلعەین، یوڤێنتوس
كۆمەڵەی هەشتەم: ریال مەدرید، هیلال، باچۆكا، سالزبۆرگ
مۆندیالی یانەكان بڕیارە لە 15ی حوزەیران تا 13ی تەمووزی 2025 لە ئەمریكا بەڕێوەبچێت.
بەپێی سیستمی پاڵەوانیەتییەكە، لە هەر كۆمەڵەیەك یەكەم و دووەم بۆ قۆناغی 16 سەردەكەون و لەوێوە هەر تیپێك بە یەك دۆڕان ماڵئاوایی دەكات.
یاریی كردنەوەی پاڵەوانیەتییەكە لە شاری مەیامی دەبێت و تێیدا یانەی ئینتەر مەیامی بە سەركردایەتی مێسی بەرامبەر یانەی ئەهلیی میسری یاریی دەكات.
