ژینگەی پیس کردووە
تەمە رەشەکەی هەولێر یەخەی ئاسمانی شارەکە بەرنادات
964+
توانا نەقی
تا دێت جەوی هەولێر پیستر دەبێت و تەمە رەشەکەش ئاسمانی داگرتووە و یەخەی بەرنادات هەر کە رۆژ دەبێتەوە و خۆر هەڵدێ ئیتر زۆر بەجوانی هەست بە پیسی ژینگە دەکەیت.
دیمەن و ڤیدیۆی ئەم بەیانییەی ئاسمانی هەولێر و کەشە پیسەکەی 964 تۆماری کردووە.
پێشتریش و پێش چەند مانگێک وەک یەکێک لە هەنگاوەکان بۆ پاککردنەوەی ژینگەی هەولێر بڕیاردرا بە لابردن و داخستنی پاڵاوگە نایاساییەکان بەڵام هیچ سوودێکی ئەوتۆی نەبوو بۆ ئەو تەمە رەشەی یەکەی ئاسامان بەرنادات.
پێشتریش دڵشاد هیرانی بەڕێوەبەری فەرمانگەی ژینگەی هەولێر بە 964ی راگەیاندبوو، ئێستا كەش و ژینگەی هەولێر باشترە و ئەوەی هەستی پێدەكرێت و دەبینرێت، هەموو دووكەڵی پاڵاوگەكان نییە، بەڵكو زۆربەی تۆز و خۆڵە و ئەمەش زۆر جێگەی مەترسی نییە.
لە بارەی ژمارەی پاڵاوگە داخراوەكانیش تا ئێستا، دڵشاد هیرانی رایگەیاند، نازانێت تا ئێستا چەندیان داخراون.
