دیمەنی ئەو تۆمەتبارەی لە دێرەلوک دەستگیر کراوا،وێنە،راگەیاندنی پۆلیسی دهۆک
لە ناحیەی دێرەلوک
گەنجێکی 18 ساڵ 6400 دۆلاری لە ماڵێک دزیوە و دەستگیر کرا
964+
توانا نەقی
لە ناحیەی دێرەلوکی سەربە پارێزگای دهۆک دز چووەتە سەر ماڵێک و بڕی شەش هەزار و 400 دۆلاری ئەمریکی لە ماڵکە دزیەوە و دواتر تۆمەتبارەکە دەستگیر کراوە.
ئەمڕۆ سێشەممە، هێمن سلێمان بەڕێوبەری راگەیاندنی پۆلیسی دهۆک لە پەیجی خۆی بڵاویکردەوە، دوای ئەوەی ئەو ماڵە سکاڵایان کردووە بنکەی پۆلیسی دێرەلوک توانیویانە لە ماوەی کەمتر لە 24 کاتژمێر تۆمەتبارەکە بدۆزنەوە و دەستگیری بکەن.
دەشڵێت، تۆمەتبارەکە ناوی ( ز، ح، ر)ـەو لە دایکبووی ساڵی 2006ـە و واتە تەمەنی 18 ساڵە و بڕی 6400 دۆلاری دزیوە.
ئێستا تۆمەتبار بە ماددەی 444ـی یاسای سزادانی عێراقی راگیراوە و لێکۆڵینەوە لە گەڵی بەردەوامە.
