964+

میلاد جەلال – گەرمیان

کارمەندان و پزیشکانی نەخۆشخانەی گشتی کەلار و سەرجەم مەڵبەندە تەندروستییەکانی سنووری بەڕێوەبەرایەتی تەندروستی گەرمیان، بایکۆتی دەوامیان کرد.

حارس محەمەد، بەڕێوەبەری نەخۆشخانەی گشتی کەلار بە 964ـى وت، ”بەیانی ئەمڕۆ دووشەممە 2.12.2024، کارمەندان و پزیشکانی نەخۆشخانەکەمان بەھۆی دواکەوتن و پێنەدانی مووچەکانیان بایکۆتی دەوامیان کرد”.

“جگە لە نەخۆشخانەی گشتی کەلار، سەرجەم مەڵبەندە تەندروستیەکانی سنووری گەرمیان بایکۆتی دەوامیان کردووە” حارس محەمەد وای وت.

ئاماژەی بەوەشکرد، ”کەرتی تەندروستی حکومی ئێستا لە سنوورەکە پەکی کەوتووە، ناشزانن بە وەرگرتنی مووچەیەک کارمەندەکان دەگەڕێنەوە سەرکار یان بەردەوام دەبن لە بایکۆت”.

پێداچوونەوە: ژێوار خدر

کارمەندانی نەخۆشخانەی گشتیی کەلار بایکۆتیان نەشکاندووە

964+

ژیوار خدر

سەرۆکی دەزگای چاپ و پەخشی سەردەم بە گرنییەوە باس لە پێشانگای نێودەوڵەتی هەولێر بۆ کتێب دەکات و دەڵێت، ئەمساڵ بە 40 کتێب و ناونیشانی تازەوە بەشداریان لە پێشانگاکەدا کردووە.

ئازاد بەرزنجی سەرۆکی دەزگای چاپ و پەخشی سەردەم لە سێیەمین رۆژی بەڕێوەچوونی 17ـیەمین پێشانگای نێودەوڵەتی هەولێر بۆ کتێب بە 964ـی وت، “لەچاو ساڵانی رابردوو ئەمساڵ تاڕادەیەک وەزعی پێشانگا باشترە و هەندێک دەزگای چاپ و بڵاوکردنەوە هاتوون کە پێشتر نەهاتوون و ژمارەی کتێبە باشەکان زیادیان کردووە”.

ئاماژەی بەوەشکرد کە ئەمساڵ بە 40 کتێب و ناونیشانی تازەوە بەشداریان لە پێشانگاکەدا کردووە و بەرهەمەکانیشیان پێشوازی باشیان لێکراوە لەلایەن خوێنەران و ئەهلی کتێبەوە.

“لە ئێستادا لە کوردستاندا رەنگە رکابەرێک نەبێ بۆ سەردەم هەم لەرووی کوالێتی و ژمارەی ئەو کتێبانەی کە چاپیان دەکات و هەمیش لەرووی بەهەند وەرگرتنی گوتاری رۆشنبیری و هەڵبژاردنی کتێب و سەرچاوەی گونجاو بۆ کتێبخانەی کوردی”، ئازاد بەرزنجی وای وت.

17ـیەمین پێشانگای نێودەوڵەتی هەولێر بۆ کتێب سێ رۆژە لە شوێنی پێشانگای نێودەوڵەتی لە پارکی سامی عەبدولڕەحمان کراوەتەوە و تا 19ـی ئەم مانگە بەردەوام دەبێت، 964ـیش هاوبەشی میدیایی پێشانگاکەیە.

پێداچوونەوە: شۆڕش قادری

" لە پێشانگای هەولێر جیهان بە عەرەبی دەدوێت نەک بە كوردی"

پێشانگا یەک ملیۆن کتێبیەکە دووەم رۆژی بەڕێ دەکات