نرخى کارەباى مۆلیدەى سیتییەکان دیاریکرا

964+

وریا فەتاح

کارەباى سلێمانى نرخى هەر کیلۆواتێک کارەباى سیتییەکانى بۆ مانگى 11 بە 260 دینار دیاریکردووە.

وەک ئەوەى بەڕێوەبەرایەتى گشتى کارەباى سلێمانى بڵاوى کردووەتەوە، لیژنەی باڵای دیاریکردنی نرخی کارەباى کۆمەڵگاکانى نیشتەجێبوون ئەمڕۆ چوارشەممە 27/11/2024 کۆبوونەوەیەکی سازکردو تیایدا نرخی کیلۆواتی کارەبای موەلیدەی بۆ مانگی تشرینی دووەم (11) دیاریکرد، کە بریتییە لە (260) دینار بۆ هەر کیلۆواتێک.

باس لەوەشکراوە، بەگوێرەی نرخی گازوایل لەبازاڕ و ئەو توێژینەوەیەی بۆ خەرجی موەلیدەی_سیتییەکان ئامادەکراوە، نرخەکە دیاریکراوە.

جەختیش کراوەتەوە، سەرجەم ستیيەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە.

نرخی کارەبای سیتیەکان بۆ ئەم مانگە لە سلێمانی دیاریکرا