تیمەکانی بەرگری شارستانی هەولێر لەکاتی راهێنان. فۆتۆ: بەرگری شارستانی هەولێر
مامۆستای ئەڵمانی و ئوردنیان هەیە
تیمێکی بەرگری شارستانی هەولێر لە ئوردنن و مەشق دەکەن
964+
ژووری هەواڵ
تیمێکی بەرگری شارستانی هەولێر چوونەتە وڵاتی ئوردن و لەلایەن ژمارەیە مامۆستای بیانی تەکنیکی نوێ لەبارەی گەڕان و رزگارکردن فێر دەبن.
ئەمڕۆ دووشەممە 25.11.2024، بەرگرى شارستانى هەولێر رایگەیاند، یەک ئەفسەر و 22 کارمەندی راهێنراوی رزگارکردنی بەڕێوەبەرایەتی بەرگری شارستانی پارێزگای هەولێر لە ولاتی ئوردنن و دەستیان بە مەشق کردووە.
مەشقەکان لە لایەن مامۆستایانی ئەلمانی و ئوردنی ئەنجام دەدرێت و ماوەی یەک هەفتە دەخایەنێت.
“ئەم خولە لەلایەن ئاژانسی فیدرالی ئەڵمانی THW بەڕێوەدەچێت بەمەبەستی دروستکردنی تیمێکی راهێنراوی ئەکادیمی رزگارکردن و هەموو کەل وپەل و مەشقی کارمەندانیان خستۆتە ئەستۆی خۆيان”، بەرگرى شارستانى هەولێر وا دەڵێت.
