سلێمانی زۆرترین بڕی بارانی لێ باریوە

964+
ئەحمەد مستەفا

کەشناسی هەرێمی کوردستان بەپێی داتاکانی ئاشکرای کرد، لە ماوەی 24 کاتژمێری رابردوودا لە سلێمانی زۆرترین بڕی باران بارین بە 8.6 تۆمار کردووە و لە دوکان بە 0.2 کەمترین رێژەی باران باریوە.

داتاکەی کەشناسی هەرێمی کوردستان بۆ ماوەی 24 کاتژمێر و لە 9:00ی بەیانی دوێنێ دووشەممە بۆ هەمان ماوەی رۆژی سێشەممە تۆمار کراوە.

ئەوە لە کاتێکدا، پشتیوان ئیبراهیم، شارەزای کەشناسی بە 964ی وت، هەفتەی داهاتوو شەپۆلێکی سەرما و بەفر و باران ناوچەکانی هەرێمی کوردستان دەگرێتەوە و پلەکانی گەرما لە پێنج بۆ هەشت پلەی سیلیزی نزم دەبێتەوە و لە ناوچە شاخاوییەکان بۆ ژێر سفر دادەبەزێت.

باسی لەوەشکرد، ئەمە یەکەم شەپۆلی سەرمای بەهێز و بەفر و باران بارینە لە وەرزی سەرمای هەرێمی کوردستان دەست پێدەکات و پلەکانی گەرما نزم دەبنەوە، گۆرانکاری بەردەوام روودەدات و لە کاتی نزیک بووونەوە لە جێگیری بوونی، دەتوانرێ پێوانەی بارین و ماوەی مانەوەی بکرێ.

باران بارین لە ماوەی 24 کاتژمێری رابردوو؛