نرخەکەی نزیکەی 30 هەزار دۆلارە
ئۆتۆمبێلەکەی باڵیۆزی عێراق لە ئەمریکا گەیشتە سلێمانی
964+
دیلان محەمەد جەزا – سلێمانی
ئۆتۆمبێلەکەی باڵیۆزی عێراق لە سلێمانیە و لە ساڵی لە 1978 لە ئەمریکا تایبەت بۆی دروستکراوە و ئێستا هاوڵاتییەکی خەڵکی کەرکوک خاوەنداریەتی دەکات.
وریا محەمەد خاوەنی ئۆتۆمبێلەکە بە 964ـی وت، ئۆتۆمبێلەکەی لە جۆری فۆرد لینکنە و لە ساڵی 1978 لەسەر داوای باڵیۆزی عێراق لە ئەمریکا بۆی دروستکراوە.
وتیشی، ئۆتۆمبێلەکە هاوشێوەی ئۆتۆمبێلە نوێیەکانی ئێستا تایبەتمەندی تێدایە و سەرجەم پارچەکانیشی کارەبایین.
روونیشیکردەوە، بە ئۆتۆمبێلەکەی بەشداری لە زۆرێک لە ئاهەنگەکان دەکات و هاوڵاتییان ئارەزوو دەکەن وێنەی لەگەڵ بگرن و نرخەکەی نزیکەی 30 هەزار دۆلار دەبێت.
پێداچوونەوە: ژێوار خدر
