نرخی نەوت بۆ ئەمڕۆ گەیشتووەتە 72 دۆلار

964+

توانا نەقی

ئەمڕۆ پێنجشەممە، نرخی نەوت درێژەی بە دابەزین دا لە بازاڕەكانی جیهاندا، كە هەفتەیەكە سەقامگیری بەخۆیەوە نەدیوە.

نرخی یەك بەرمیل نەوتی خاوی برێنت بە 72 دۆلار و 0.4 سەنت مامەڵەی پێوەدەکرێت، كە لە ماوەی دوو رۆژی رابردوودا نزیكەی پێنج دۆلار بۆ هەر بەرمیلێك دابەزیوە.

هەروەها نرخی یەك بەرمیل نەوتی سووكی تێكساس بە 68 دۆلار و 12 سەنت مامەڵەی پێوەكرا و بەوەش بەڕێژەی 0.31% دابەزیوە.

لە دوای هێرشە سنووردارەكەی ئیسرائیل بۆ سەر ئێران، هەروەها بەردەوامیی ئاڵۆزییەكانی رۆژهەڵاتی ناوەڕاست، هەروەها كەمبوونەوەی خواست لەسەر نەوت، وای كردووە نرخی نەوت زیاتر دابەزێت و جێگیر نەبێت.