چوار ریانێک لە هەولێر داخرا
بەشێكی شەقامی 40 مەتری
چوارڕیانێکی هەولێر بە تەواوەتی داخرا
+964
ژوولی عەدنان
لە ئاگادارییەکدا سەرۆکایەتیی شارەوانیی هەولێر بڵاویکردووەتەوە، تیمەکانیان چوارڕیانی خۆشناویان لە شەقامی 40 مەتری لە گەڕەکی برایەتی داخست.
ئەم هەنگاوەی سەرۆکایەتیی شارەوانیی هەولێر وەک خۆیان ئاماژەیان پێداوە، بۆ کەمکردنەوەی ئاستەنگی هاتوچۆ و باشترکردنی رێگاوبانەكانی گەڕەكەكە و ئەو رێگایانەیە، كە دەكەونە سەر شەقامە سەرەكییەكە.
شەقامی 40 مەتری، ئەو بەشەی دەكەوێتە گەڕەكی برایەتی، شەقامێكی قەرەباڵغ و جەنجاڵە و لە هەمان كاتیشدا فراوان نییە، ئێوارانیش ئاستەنگی زۆری هاتوچۆی لێ دروست دەبێت، بەهۆی بووەتە شەقامێكی دیكەی پزیشكان لە هەولێر و ژمارەیەكی زۆر عەیادە و نەخۆشخانەی تایبەت و سەنتەری پزیشكی و دەرمانخانەی لێیە.
