یەکشەممەی داهاتوو بەشێک لە کەسوکاری شەهیدان زەوی وەردەگرن

964+

شۆڕش قادری

سەرەتای هەفتەی داهاتوو، شارەوانیی هەڵەبجە زەوی بەسەر ژمارەیەک لە کەسوکاری شەهیدان دابەش دەکات.

سەرۆکایەتیی شارەوانیی هەڵەبجە لە ئاگادارییەکدا لیستێکی 143 کەسی لە شەهیدان و کەسوکاری شەهیدان بڵاوکردووەتەوە و دەڵێت، “با کاتژمێر 9ـی سەرلەبەیانی رۆژی یەکشەممە 16.11.2024 لە هۆڵی (حاجی ئەختەر) ئامادەبن بۆ وەرگرتنی زەوییەکانیان”.

لیستەکە بە ناوی شەهید فارس محەمەد شەریف و وارسی شەهید سوعاد غەفور حەکیم دەستپێدەکات و بە ناوی شەهید محەمەد رۆستەمیار کۆتایی دێت.

پڕۆسەی دابەش کردنی زەوی خێراتر دەکرێت

پێشتر و رۆژی 15.10.2024 شارەوانیی هەڵەبجە ژمارەیەک زەوی بەسەر 590 کەس لە وارس و کەسوکاری شەهیدان دابەش کرد.

وێنەیەکی ئەو لیستەی سەرۆکایەتیی شارەوانیی هەڵەبجە بڵاویکردووەتەوە، لە خوارەوەیە:

+1