پسپۆڕی پێست دەچێت بۆ قەرەداغ رۆژی پێنجشەممە لەوێ بن

964+
ئەحمەد مستەفا

رۆژی پێنجشەممە پزیشکی پسپۆڕی پێست لە مەڵبەندی ئیشکگری قەرەداغ دادەنیشێت، ئەگەر گرفتی پێست، یان پەڵە وشکبوونەوەیان هەیە، پەیوەستە بە پسپۆڕی ئەو پزیشکە بچن و لەوێ ئامادەبن.

جگە لە خەڵکی قەرەداغ، ناحیەی سێوسێنان و دانیشتووانی گوندەکانیش دەبینێت.

لە بڵاوکراوەیەکدا، هێرش هەمزە، بەڕێوەبەری مەڵبەندی ئێشکگری قەزای قەرەداغ کە وێنەیەکی بۆ 964 نێردراوە دەڵێت، هاوڵاتیانی قەزای قەرەداغ و ناحیەی سێوسێنان و گشت گوندەکانی دەوروبەری ئاگادار دەکەینەوە، پزیشکی پێست دێتە مەڵبەندەکەمان.

پزیشکەکە دکتۆر بورهان تاهیرە، رۆژی پێنجشەممە 14.11.2024، کاتژمێر 9:30ی خولەکی سەر لەبەیانی لەوێ دەبێت و بەشێوەیەکی خۆبەخشانە چارەسەر بۆ چارەخوازان دەنووسێت و رێنوێنییان دەکات.

قەزای قەرەداغ بە دووری نزیكەی 45 كیلۆمەتر دەکەوێتە باشوری رۆژئاوای سلێمانی، ناحیەی سێوسێنان و 84 گوند دەکەونە سنوورەکەیەوە و 22 فەرمانگەی تێدایە، ئەمە جگە لەوەی زیاتر لە 10 هەزار و 900 کەس ژمارەی دانیشتووانەکەیەتی.

قەرەداغ سەگەکانی کۆدەکاتەوە

خەڵاتی پێشمەرگەی دارستان بە پۆلیسێکی دارستانی قەرەداغ بەخشرا