پاککردنەوەی سەرچاوی ئاوی قەلاچوالان. فۆتۆ: شارەوانی سلێمانی
حەوزەکانی قەڵاچوالان پاکدەکرێنەوە
کێشەی سەرچاوەکانی دابینکردنی ئاو بۆ هەواری شار چارەسەر دەکرێت
964+
ژووری هەواڵ
شارەوانی سلێمانی دەیەوێت کێشەی سەرچاوەکانی دابینکردنی ئاو بۆ درەخت و سەوزاییەکانی پارکی هەواری شار چارەسەر بکات و بڕی ئاوی پێویست بۆ پرۆژەکە زیاد بکات.
ئەمڕۆ یەکشەممە 10.11.2024، شارەوانی سلێمانی رایگەیاند، هەڵمەتێک بۆ پاکردنەوەی حەوزەکانی ئاوی قەڵاچوالان ئەنجامدرا بە مەبەستی زیادکردنی بەرهەمهێنانی ئاو و گواستنەوەی بۆ ناو پارکی هەواری شار.
“ئەم پڕۆژەیە لە توانایدایە لە کاتژمێرێکدا 300 مەتر سێجا ئاو بۆ ئاودێری درەخت و سەوزاییەکانی پارکەکە دابین بکات”، شارەوانی سلێمانی وا دەڵێت.
پاركی هەواری شار، لەسەر رووبەری چوار هەزار و 400 دۆنم زەوی دروست كراوە، دەكەوێتە باكووری رۆژئاوای شاری سلێمانی.
