ساتی جێبەجێکردنی پرۆژەکە. فۆتۆ: فەرمانگەی ئاوی قەڵادزێ
شەش هەزار ماڵ لێیسودمەند دەبن
فەرمانگەی ئاوی قەڵادزێ: کۆتایی بە کێشەی کەمئاوی لە گەڕەکی شەهیدان دەهێنین
964+
ژووری هەواڵ
فەرمانگەی ئاوی قەڵادزێ دەیەوێت بە پرۆژەیەک کێشەی کەمئاوی لە گەڕەکی شەهیدان کۆتایی پێبهێنێت و هێڵی سەرەکی بۆ گەڕەکەک بونیاد دەنێت.
ئەمڕۆ سێشەممە 12.11.2024، فەرمانگەی ئاوی قەڵادزێ رایگەیاند، پڕۆژەی “هێڵی سەرەکی تۆڕی ئاوی گەڕەکی شەهیدان” کەوتە بواری جێبەجێکردنەوە و بە تەواوبوونی زیاتر لە شەش هەزار ماڵ لێیسودمەند دەبن.
ئەو پڕۆژەیە لەسەر بوجەی وەبەرهێنانی وەزارەتی شارەوانی جێ بەجێدەکرێت و لەئێستادا توانای دابینکردنی ئاوی بۆ زیاتر لە دوو هەزار و 500 ماڵ هەیە.
سەرچاوەی سەرەکی دابینکردنی ئاوی خواردنەوەی قەڵادزێ، پرۆژەی ئاوی خاسە کە بە مەبەستی بەرهەمهێنانی ئاوی خواردنەوە سوود لە ئاوی زێی بچووك وەردەگرێت و لەلایەن بەڕێوەبەرایەتیی ئاوی راپەڕینەوە سەرپەرشتیی دەكرێت.
ئەو پرۆژەیە لە یەك كاتژمێردا توانای بەرهەمهێنانی 28 هەزار مەتر سێجا ئاوی خواردنەوەی هەیە و ئێستاش ڕۆژانە 31 هەزار مەتر سێجا ئاوی خاوێن بۆ نزیكەی 90 هەزار هاوبەشی ئاو لە شاری قەڵادزێ دابین دەكات.
