یەکێک لە کارمەندانی بەرگری شارستانی لە کاتی مەشقکردندا وێنە: بەرگری شارستانی سۆران
بە بەکارهێنانی پەت
کارمەندانی بەرگری شارستانی سۆران فێرکران بە شاخدا سەرکەون
+964
ژێوار خدر
ئیتر کارمەندانی بەرگری شارستانی سۆران، کێشەیان نابێت لە هەڵگەڕان بەسەر شاخ و کێودا، چونکە مەشقێکی یەک رۆژییان کرد و فێری هونەری هەڵسوکەوت کردن لە شوێنە بەرزەکان کران.
بەڕێوەبەرایەتی بەرگری شارستانی سۆران دوێنێ پێنجشەممە رایگەیاند، لەژێر چاودێری مقەدەمی پۆلیس، کاروان میراودەلی تیمەکانیان مەشقێکی چڕیان ئەنجامداوە.
دەشڵێت، لە مەشقەکەدا هەر دوو تیمی رزگارکردن و تیمەکانی پاراستی ئاوی سۆران بەشدار بوون و فێری هونەری هەڵسوکەوت کردن بوون لە ناوچە شاخاوییەکان و شوێنە بەرزەکاندا.
روونیشێکردووەتەوە، کارمەندەکان لە مەشقەکە فێری چۆنیەتی دابەزین و سەرکەوتن بەسەر شوێنە سەختەکاندا کران، بە بەکارهێنانی پەت لەکاتی رووداوە نەخوازراوەکاندا.
