نرخى تەماتە بە تەواوەتى شکا

964+

دیلان محەمەد جەزا- سلێمانى

هەڵگرتنى باج و قەدەغە لەسەر تەماتەى هاوردە، لەمڕۆوە نرخى تەماتە رووى لە دابەزین کرد و کیلۆى بوو بە 350 دینار.

بەهۆى کەمبوونەوەى بەرهەمى ناوخۆ و باج لەسەر تەماتەى هاوردە، لە هەفتەى رابردوو نرخى کیلۆیەک تەماتە  تا سەرووى 1500 دینار بەرز بووەوە، بەڵام رۆژى 5ـى 11ـى 2024، وەزارەتى کشتوکاڵ بڕیاریدا بە هەڵگرتنى باج و قەدەغە لەسەر تەماتەى هاوردە.

سەروەر عەلی سەرۆکی سەندیکای عەلوەی سلێمانی بە 964ـى وت، لە ئەمرۆوە نرخی  تەماتە دابەزیووە و نرخەکەى لە نێوان 350 بۆ 800 دینارە و بەپێی باش و خراپی نرخەکەی دەگۆرێت.

باسی لەوەکرد، هەفتەی رابردو نرخی هەر کیلۆیەک تەماتە لە عەلوەی سلێمانی بەرزبوەوە بۆ هەزار و 700 دینار و لە بازاردا بە سەرو دوو هەزار دینار، بەرز بووەوە.

ئاشکراشى کرد، بەهۆى هەڵگرتنى باج و قەدەغە لەسەر تەماتەى هاوردە، نرخەکەى رووى لە دابەزین کردووە و تەماتەى هاوردەى ئێرانى هاتووەتە بازاڕەوە.

هەموو ساڵیک وەزارەتی کشتوکاڵ لە 1ـی 12ـەوە باج لەسەر سەوزە و میوە هاوردە هەڵدەگریت، بەڵام ئەمساڵ بەهۆی زوو تەواوبوونی بەرهەمی ناوخۆ زوتر بڕیارى لەبارەى تەماتەوە دا.

پێداچوونەوە: وریا فەتاح

نرخی تەماتە لە هەولێر بەرزبووەوە