بەرەو کۆشکی سپی
بە هۆی سمۆرەیەکەوە رەنگە کامالا نەبێتە سەرۆکی ئەمریکا
+964
ژووری هەواڵ
بە هۆی سمۆرەیەکەوە رەنگە کامالا نەبێتە سەرۆکی ئەمریکا، چیرۆکێکی سەیرە ها؟!!
(پێنۆت) بەناوبانگترین سمۆرەیە لە نیویۆرک، ژن و پیاوێک بەخێوی دەکەن و رۆژانە ڤیدیۆی جوان جوانی لێ دروست دەکەن و لە ئینیستاگرام بڵاوی دەکەنەوە، ئینیستاگرامەکە 600 هەزار فۆڵۆوەرزی هەیە
سمۆرەکە، پێش دوو رۆژ پۆلیسی نیویۆرک چوون و لە ماڵی خاوەنەکەی بردیان و کوشتیان.
خاوەنەکەی لەسەر ئینیستاگرام نوسیبووی سمۆرە نازدارەکەمیان رفاند و کوشتیان.
ئەم مەسەلەیە لە نیویۆرک تەقییەوە و هەموو خەڵک باسی دەکەن، جا نەگبەتی کامالا ئەوەیە خەڵکەکە دەڵێن خەتای ئەوە، چونکە ئەو جێگری سەرۆکە و لە کاتی دەسەڵاتی ئەودا بێبەزەییانە ئاژەڵەکە لە ماڵەکە براوە و کوشتوویانە.
کەمپەینەکەی ترەمپ ئەمەیان لە خوا دەویست، هەموو سۆشیال میدیایان کردووە بە پۆستی خەمخواردن بۆ سمۆرەکە.
ئیلۆن مەسکیش دەرگای ئێکسی کردووەتەوە بۆ ئەم بابەتە و خۆیشی نووسیویەتی ”هەرچەند لێم بدەیت بەهێزتر دەبم”.
پۆلیسی نیویۆرک بەپەلە روونکردنەوەی داوە و دەڵێن ئەو سمۆرەیە و راکۆنێک کە ئەو ماڵە هەیانبووە هەردووکیان نەخۆش بوون و مەترسی بوون، بۆیە بە بەزەییانە کوژراون.
بەڵام ئەمە دادی پۆلیسی نەدا و خەڵک تووڕەن، دەشڵێن بۆ ئەم رۆژە گرنگە رەنگە زەرەر لە دەنگەکانی کامالا بدات.
