دیمهنێكی دابه‌شكردنى نه‌وتى سپی كه وه‌زاره‌تى سامانه سروشتییهكان بڵاویكردووهتهوه.
تیمه‌كانیش خه‌ریكی كردنه‌وه‌ى رێگاى چه‌ند گوندێكن
سبه‌ى دابه‌شكردنى نه‌وتى سپی له گونده‌كانى قه‌ره‌داغ ده‌ستپێده‌كات
964+
فه‌رهاد حه‌سه‌ن
له سبوینێوه دابه‌شكردنى نه‌وتى سپی له سنوورى گونده‌كانى قه‌زاى قه‌ره‌داغ ده‌ستپێده‌كات و بۆ ئه‌و گوندانه‌ش كه به‌هۆى بارانبارینه‌وه رێگاكانیان داخرابوو، قایمقام ده‌ڵێت، تا ئێواره ده‌كرێنه‌وه.
قایمقامییه‌تى قه‌ره‌داغ داواى له هاوڵاتیانى سه‌نته‌رى قه‌زا و گونده‌كانى كردووه له سبه‌ینێوه به‌رمیل و كارته‌كانى نه‌وتیان ئاماده‌بكه‌ن بۆ وه‌رگرتنى به‌شه نه‌وته‌كه‌یان.
ره‌ئوف شێخ كه‌مال، قایمقامى قه‌زاى قه‌ره‌داغ به 964ـى راگه‌یاند، ئه‌و نه‌وته‌ى سبه‌ینێ دابه‌ش ده‌كرێت، یه‌كه‌مین نه‌وتى ئه‌مساڵه و تا ئێستا هیچ هاوڵاتییه‌كى سنووره‌كه‌یان نه‌وتی وه‌رنه‌گرتووه.
وتیشی “نه‌وت ده‌گه‌یه‌ندرێته ته‌واوى گونده‌كان و ئه‌و گوندانه‌شی رێگاكانیان به‌هۆى بارانى چه‌ند رۆژه داخرا بوو، وا تیمه‌كانى رێگاوبان خه‌ریكی كردنه‌وه‌ین و تا ئێواره ته‌واوده‌كرێن.
ئاماژه‌ى به‌وه‌ش كرد، بۆ وه‌رگرتنى نه‌وت تەنیا پسولەی قەزای قەرەداغ دەبێت و ئەو هاوڵاتیانەشی کارتی نەوتیان بەسەرچوبوو، ئێستا بؤ سەرجەمیان چاککراوە و دەتوانن لای وەکیلی خۆراکەکانیان وەریبگرنەوە و نه‌وتى پێوه‌ربگرن.
وه‌زاره‌تى سامانه سروشتییه‌كانى هه‌رێم 200 لیتر نه‌وت به 104 هه‌زار دینار ده‌داته هاوڵاتیان.
