دیمهنێكی باران بارین سنوورى قه‌ره‌داغ... وێنه: دابان قەرەداغی
لافاوە
رێگاى چه‌ند گوندێكى قه‌ره‌داغ داخراون
964+
فەرهاد حەسەن
قایمقامییه‌تى قه‌ره‌داغ ده‌ڵێت، به‌هۆى بارانى به‌خوڕ و دروستبوونى لافاوه‌وه رێگه‌ى چه‌ند گوندێكی سنووره‌كه‌یان داخاراون و ئێستا تیمه‌كان خه‌ریكی كردنه‌وه‌ى رێگاكانیانن.
ئه‌و گوندانه‌ى رێگاكانبان داخراوه بریتین له شیوی قازی، دوکەرۆ و دوکان.
قایمقامییه‌ت، ئاگاداری دانیشتوانی قەزاكه‌ى كردووه‌ته‌وه، رێگای ئه‌م گوندانه بەتەواوەتی گیراون و ئاستەنگی هاتووچۆیان بۆ دروست بووە و تیمەکانی ئاوەدانکردنەوە و بەرگری شارستانی لە هەوڵی بەردەوامدا دەبن بۆ پاککردنەوەی رێگاکان و كردنه‌وه‌یان.
ئاماژه‌ى به‌وه‌ش كردووه، هاوکاری ئەو ماڵانەش ده‌كه‌ن، كه پێویستیان بە هاوکاری بێت و داواشی كردووه هاوڵاتیان ئەو رێگایانە بەکارنەهێنن تا به یه‌كجارى دەكرێنه‌وه و هاتوچۆ تێیدا ئاسایی دەبێتەوە.
