دوای رووماڵێكی 964
شارەوانیی سلێمانی دیوارە مەترسیدارەكەی بەكرەجۆ چارەسەر دەكات
+964
دیلان محەمەد جەزا
بەهۆی ئەو شەپۆلی بارانەی رووی لە شاری سلێمانی کردووە، دیوارێکی راگر لەسەر دوو سایدی بەکرەجۆ خەریكە دەڕووخێت، بەڵام شارەوانی بەدەمییەوە هاتن و بڕیارە چارەسەری بكەن، ئەمەش دوای ئەوەی 964 دیوارەكەی پیشاندا و مەترسییەكەی خستەڕوو.
ئاکۆ عەلی جێگری سەرۆکی شارەوانیی سلێمانی بە 964ی وت، هاتوون بۆ ئەوەی گڵ بخەنە ژێر دیوارەکە تا نەڕووخێت و مەترسی دروست نەکات.
باسی لەوەش کرد، چاوەرێ دەکەن تا کەشوهەوا ئارام دەبێتەوە و دیوارەکە دەڕووخێنن و سەرلەنوێ دروستی دەکەنەوە.
پێداچوونەوە: ئەرسەلان عەبدوڵا
