بازاڕی سلێمانی گەرمە
باران باری و خۆشخۆرەکان بۆ كڕینی قەل و قاز و كەڵەشێر هاتوون
+964
دیلان محەمەد جەزا
لەگەڵ بارانبارین بازاڕی قەل و قاز و کەلەشێری کوردی گەرم بووە و نرخەکانیشیان گران بووە.
ئیبراهیم فەتاح پەلەوەرفرۆش ئەمڕۆ شەممە 2.11.2024 بە 964 وت، ئەمڕۆ باران باریووە و هاوڵاتیان سەردانیان دەکەن بۆ کرینی قەل و قاز و کەلەشێری کوردی.
باسی لەوەش کرد، ئێستا کیلۆی قاز بە 11 هەزار دینارە و کیلۆی قەل بە 18 هەزار و کەلەشێری کوردییش بە 12 هەزار دینارە.
ساڵانە لەگەڵ دەستپێكردنی وەرزی بارانبارین، كاتێك كەشە سارد دەبێت، بەشێكی هاوڵاتیان روودەكەنە كڕینی پەلەوەر و بە تایبەتی قەل و قاز و كەڵەشێر، كە خواردنیان لە كەشی سارددا لەزەتی تایبەتی هەیە.
پێداچوونەوە: ئەرسەلان عەبدوڵا
