چهند دیمهنێكى كاتى چاندنى گوڵه‌كان لهسهنتهرى دهۆك... وێنه: شارهوانى دهۆك.
به‌رهه‌مى نه‌مامگه‌ى خۆیانه
شاره‌وانیى دهۆك سه‌نته‌رى پارێزگاكه‌ى پڕ له گوڵى وه‌رزى ده‌كات
964+
فه‌رهاد حه‌سه‌ن
شاره‌وانیى دهۆك له رێگه‌ى تیمه‌كانیانه‌وه ده‌ستیان به چاندنى گوڵى وه‌رزى له‌ناو سه‌نته‌ره‌ى پارێزگا كردووه، راگه‌یاندنى شاره‌وانیش ده‌ڵێت، گوڵه‌كان به‌رهه‌مى خۆمانه و له نه‌مامگه‌ى تایبه‌تى شاره‌وانییه‌وه به‌رهه‌مهێندراون.
ژماره‌ى ئه‌و گوڵانه‌ى له پلانیاندایه بیچێنن 100 هه‌زار دانه‌یه و له جۆره‌كانى بتونیا، دەمى شێر، گوڵبەهار و قەرەنه‌فل، پێكهاتوون، ئەو شوێنانەش لێی دەچێنن بریتین لە بلواری شەقامەکان و پارک و باخچەکان.
ئیسماعیل مسته‌فا، به‌ڕێوه‌به‌رى راگه‌ياندنى سه‌رۆكایه‌تیى شاره‌وانیى دهۆك، به 964ـى راگه‌یاند، له رێگه‌ى به‌ڕێوه‌به‌رایه‌تیى ئه‌ندازه‌ى پاركه‌كان كارى چاندنى ئه‌م گوڵانه جێبه‌جێ ده‌كرێت و ئه‌مڕۆ دووشه‌ممه ده‌ستیان به چاندنیان كردووه.
وتیشی “ئه‌و گوڵانه‌ى ده‌چێندرێن وه‌رزیین و به‌رگه‌ى سه‌رماى زستان ده‌گرن و هیچ كێشه و گرفتێكیان بۆ دروست نابێت”.
ئاماژه‌ى به‌وه‌ش كرد، ته‌واوى ئه‌م گوڵانه به‌رهه‌مى نه‌مامگه‌كه‌ى خۆیانه له دهۆك، كه شاره‌وانییه‌كه‌یان سه‌رپه‌رشتى ده‌كات.
