دیمەنێکی تیمەکان لە ماڵێکە گوندی وڵیاوا... وێنە؛ دەزگای مین.
"گیانتان پارێزراو بێت"
تیمه‌كانى هۆشیارى مین روویان له گونده‌كانى شارباژێڕ كردووه
964+
فه‌رهاد حه‌سه‌ن
تیمه‌كانى هۆشیارى مین و ته‌قه‌مه‌نى له سنوورى پارێزگاى سلێمانى روویان له گونده‌كانى سنوورى شاربژێڕ كردووه و به‌شێوازێكی جیاواز رێنمایی خۆپارێزى پێشكه‌شی گوندنشینان ده‌كه‌ن.
تیمه‌كانى یه‌ك و دووی هۆشیاری سه‌ر به بەڕێوەبەرایەتی گشتی کاروباری مینی سلێمانیه.
ده‌زگاى گشتى كاروبارى مین بڵاویكردووه‌ته‌وه، كه ئه‌مڕۆ تیمه‌كانیان له گوندى وڵیاواى سه‌ر به ناحیه‌ى زه‌ڵانى سنوورى شارباژێڕ بوون و گوندنشینانیان به‌سه‌ركردووه‌ته‌وه.
ماڵه‌كان و شوێنه گشتییه‌كان گه‌ڕاون و له‌رێگه‌ى بڵاوكردنه‌وه‌ى پۆسته‌ر و پێدانى رێنمایی، گوندنشینانیان ئاگاداركردووه‌ته‌وه له مه‌ترسییه‌كانى مین و ته‌قه‌مه‌نى جه‌نگی.
ده‌زگاى مین ده‌ڵێت “چوونى تیمه‌كانمان بۆ گونده‌كانى هه‌رێمی كوردستان به‌رده‌وامه و ئامانجیش لێى بۆ زیاتر پاراستنى گیانى هاوڵاتیانه”.
