لە جەلەولا
تانکەرێک سەربازێکی کوشت و دووانی دیکەشی بریندار کرد
964+
راژان باجەلان – خانەقین
لە دەروازەی جەلەولا تانکەرێک کۆنتڕۆڵی لەدەستدا، سەربازێکی کوشت و دووانی دیکەشی بە سەختی بریندار کرد.
د. محەمەد موتعيب بەڕێوەبەری نەخۆشخانەی جەلەولا بە 964ـی وت، “ئەمشەو 20.10.2024 لە دەروازەی جەلەولا و لە خاڵێکی پشکنینی سوپای عێراق، تانکەرێک کۆنتڕۆڵی لەدەستداوە و خۆی بە ژمارەیەک سەربازدا کێشاوە”.
” لە رووداوەکەدا سەربازێک دەستبەجێ گیانی لەدەستداوە و دووی دیکەش بە سەختی بریندار بوون و هێنراونەتە نەخۆشخانەکەمان”، د. محەمەد موتعيب وای وت.
ئاماژەی بەوەش کرد، دوای رووداوەکە شۆفێری تانکەرەکە دەستگیر کراوە و لێکۆڵینەوەی پۆلیس و هێزە ئەمنییەکان لەگەڵی بەردەوامە.
بەڕێوەبەری نەخۆشخانەی جەلەولا راشیگەیاند، بە قسەی چەند شایەتحاڵێک شۆفێری تانکەرەکە وتوویەتی کە ئۆتۆمبێلەکەی ستۆپی نەماوە و لەناکاو لەکارکەوتووە، بۆیە کۆنتڕۆڵی لەدەستداوە و ئەو رووداوەی لێکەوتووەتەوە.
پێداچوونەوە: شۆڕش قادری
ئۆتۆمبێلێکی بارھەڵگر ھاوڵاتیەکی شێلا و گیانی لەدەستدا
