لە پارێزگای سلێمانی

سبەینێ بۆ هێزە ئەمنییەکان کرایە پشوو

19:40

964+

شۆڕش قادری

سبەینێ لە پارێزگای سلێمانی پشووی فەرمی دەبێت بۆ هێزە ئەمنییەکان.

د. هەڤاڵ ئەبوبەکر سەرۆکی لیژنەی ئارامیی پارێزگای سلێمانی بۆ هەڵبژاردنەکانی پەرلەمانی کوردستان لە راگەیەنراوێکدا دەڵێت، “بەهۆی ئەرک و ماندووبوونی دڵسۆزانەی رۆژانی رابردوو بە تایبەتیی رۆژانی دەنگدانی تایبەت و ئەمڕۆ لە دەنگدانی گشتییدا، سبەینێ دووشەممە 21.10.2024 لە هەموو دامەزراوە و بەڕێوەبەرێتییەکانی سەربە وەزارەتی ناوخۆ و دەزگای ئاسایشی هەرێمی کوردستان و فەرماندەیی بەرگریی و فریاکەوتن، پشووی فەرمیی دەبێت”.

ئاماژەی بەوەشکردووە، ئەو بڕیارە دوای راوێژکردن لەگەڵ حکومەتی هەرێمی کوردستان و وەزارەتی ناوخۆ دەرکراوە.