خانمێک لە دەنگدانی گشتی خولی شەشەمی پەڕلەمانی کوردستان بەشداری کردووە _ وێنە: 964
سلێمانی کەمترینە
تا نیوەڕۆ سەدا 31ی خەڵک دەنگیان داوە
964+
ئەحمەد مستەفا
كۆمیسیۆنی باڵای سه‌ربه‌خۆی هه‌ڵبژاردنه‌كانی عێراق، رێژه‌ی به‌شداری ده‌نگده‌رانی تا كاتژمێر 12:00 بڵاوكرده‌وه و لەو رێژەی لە هەرێمی کوردستان مافی دەنگدانیان هەبووە، لە دەنگدانی گشتی تەنیا 31%ی خەڵک دەنگیان داوە.
بە پێی داتای ستافی کۆمیسیۆنی باڵای سه‌ربه‌خۆی هه‌ڵبژاردنه‌كانی عێراق بێت کە ئەمڕۆ لە کۆنگرەیەکی رۆژنامەوانی لە هەولێر بڵاویانکردەوە، تاوەكو كاتژمێر 12ی نیوه‌ڕۆ له بازنه‌ی هه‌ولێر رێژەی بەشداریکردن 34٪ و له بازنەی دهۆک رێژەی بەشداریکردن له 31٪ و له بازنەی هەڵەبجە رێژەی بەشداریکردن له 33٪، بووه، هه‌رچی بازنه‌ی سلێمانییه سەدا ٪29 بووە.
لە کاتژمێر 7:00ـى بەیانى ئەمڕۆ 20ـى ئۆکتۆبەرى 2024، بنکەو ناوەندەکانى دەنگدان بەڕووى 2.683.618 دەنگدەردا کرانەوە، هەڵبژاردنەکە بۆ خولى شەشەمى پەرلەمانى کوردستانە و یەکەمجارە دەنگدەران بە کارتى بایۆمەترى دەنگدان دەنگ دەدەن.
ئەوەى پێویستە لەبارەى هەڵبژاردنى خولى شەشەمى پەرلەمانى کوردستانەوە بیزانیت:
کورسییەکان:
ژمارەى کورسى: 100
کورسى گشتى : 95
کورسى کۆتا: 5
کۆتایى ژنان: لانیکەم 30 کورسى
ژمارەى کورسى پارێزگاکان:
سلێمانى: 36 کورسى گشتى و 2 کورسى کۆتا
هەولێر: 32 کورسى و 2 کورسى کۆتا
دهۆک: 24 کورسى و 1 کورسى کۆتا
هەڵەبجە: 3 کورسى
دەنگدەران:
کۆى گشتى دەنگدەران: 2.899.578
دەنگدەرى گشتى: 2.683.618
دەنگدەرى تایبەت: 215.960
دەنگدان بەپێى پارێزگا (بازنەکانى هەڵبژاردن):
سلێمانى، کۆى گشتى دەنگدەر: 1.087.073
دەنگدەرى گشتى: 1.008.412
دەنگدەرى تایبەت: 78.661
هەولێر کۆى گشتى دەنگدەر: 1.22.906
دەنگدەرى گشتى:933.115
دەنگدەرى تایبەت: 89.791
دهۆک، کۆى گشتى دەنگدەر: 723.747
دەنگدەرى گشتى: 682.791
دەنگدەرى تایبەت: 40.956
هەڵەبجە، کۆى گشتى دەنگدەر: 60.252
دەنگدەرى گشتى:59.300
دەنگدەرى تایبەت: 952
لیستەکان و کاندیدەکان:
لیستە پەسەند کراوەکان 136
کاندیدە پەسەندکراوەکان 1191
کاندیدى پێکهاتەکان 38
کاندیدەکان بەپێى پارێزگاکان:
هەولێر: 395
سلێمانى: 516
دهۆک: 266
هەڵەبجە: 54
کاندیدەکان لەڕووى رەگەزییەوە:
نێر: 823 کاندید
مێ: 368 کاندید
کاندیدەکان لە رووى نەتەوەییەوە بۆ کۆتاکان:
تورکمان: 20 کاندید
مەسیحى: 18
ژمارەى بنکە و وێستگەکانى دەنگدان:
کۆى گشتى ژمارەى بنکەکانى دەنگدان: 1431
کۆى گشتى ژمارەى وێستگەکانى دەنگدان: 7070
بنکە و وێستگەکانى دەنگدانى گشتى:
ژمارەى بنکەکانى دەنگدان: 1266
ژمارەى وێستگەکانى دەنگدان: 6318
بنکە و وێستگەکانى دەنگدانى تایبەت:
ژمارەى بنکەکانى دەنگدان: 165
ژمارەى وێستگەکانى دەنگدان: 749
سێ وێستگەى دەنگدانى VIP لە بەغدا و هەولێر و سلێمانى هەیە
