دەنگدان گەرم دەبێت و کەشوهەواش فێنک

964+

وریا فەتاح

پلەکانى گەرما بە رێژەیەکى زۆر دابەزین و سبەینێ هاوڵاتیان لە کەشوهەوایەکى فێنکدا بەشدارى پڕۆسەى هەڵبژاردن دەکەن و دەنگ دەدەن، ئەمڕۆش نمە باران دەبارێت.

بەپێى پێشبینییەکانى کەشناسى هەرێم بۆ ئەمڕۆ شەممە، ئاسمان لە نێوان ساماڵ و نیمچە هەور دەبێت، لەگەل ئەگەری نمە بارانێكی كەم لەناوچە شاخاوییەكانی پارێزگای سلێمانی و پارێزگای هەڵەبجە .

وەک ئەوەى کەشناسى خستوویەتییەڕوو، پلەکانى گەرما 3 تا 5 پلەى سیلیزى دادەبەزن و خێرایى با لە نێوان ئەوپەڕى 10 کیلۆمەترە لە کاتژمێرێکدا.

لەبارەى کەشوهەواى رۆژى هەڵبژاردن کە سبەینێییە، کەشناسى پێشبینى کردووە کە ئاسمان ساماڵ دەبێت، لەكاتەكانی ئێوارەدا بۆ پەڵە هەور و نیمچە هەور دەگۆرێت لە هەندێ شوێن .

پلەکانى گەرما لە رۆژى یەکشەممەدا زۆر زیاتر دێنە خوارەوە و بەرزترین پلە لە هەولێر 23 دەبێت و لە سلێمانیش 22، بەمەش هاوڵاتیان لە کەشووهەوایەکى فێنکدا دەنگ دەدەن.

بەرزترین پلەکانی گەرمای پێشبینیکراو بە پلەی سیلیزی :

هەولێر : 23 پلەى سیلیزى

سلێمانی : 22 پلەى سیلیزى

دهۆک : 21 پلەى سیلیزى

کەرکوک : 24 پلەى سیلیزى

هەڵەبجە : 26 پلەى سیلیزى

زاخۆ : 21 پلەى سیلیزى

سۆران : 21 پلەى سیلیزى

حاجی ئۆمەران : 15 پلەى سیلیزى

گەرمیان : 29 پلەى سیلیزى

بەشى پێشبینى / 19- 10- 2024