جۆ بایدن سەرۆکی ئەمریکا
وردەکاری زیاتری ئاشکرا نەکرد
بایدن: ئاگاداری هێرشی چاوەڕوانکراوی ئیسرائیلم بۆ سەر ئێران
964+
شۆڕش قادری
جۆ بایدن سەرۆکی ئەمریکا رایگەیاند، ئاگاداری هێرشی چاوەڕوانکراوی سوپای ئیسرائیلە بۆ سەر ئێران.
بایدن کە بە سەردانێکی فەرمی چووەتە بەرلینی پایتەختی ئەڵمانیا، بە رۆژنامەنووسانی راگەیاند، زانیاری دەربارەی چۆنیەتی و کاتی وەڵامدانەوەی ئیسرائیل هەیە بۆ هێرشە موشەکییەکی ئێران، بەڵام رەتیکردەوە وردەکاری زیاتر لەوبارەیە ئاشکرا بکات.
سەرەتای ئەم مانگە سوپای پاسدارانی ئێران راستەوخۆ نزیکەی 200 موشەکی ئاراستەی تەلئەبیبی پایتەختی ئیسرائیل کرد و دواتر بەرپرسانی ئەو وڵاتە رایانگەیاند، وەڵامی توندیان دەبێت بۆ ئەو هێرشە.
ئەمڕۆش هەینی 18.10.2024 بزوتنەوەى حەماس، کوژرانى یەحیا سنوار سەرۆکی مەکتەبی سیاسی بزوتنەوەکەی پشتڕاستکردەوە، ئەوەش دواى ئەوەى دوێنێ سوپاى ئیسرائیل رایگەیاندبوو کە کوشتویانە.
ئیسماعیل قائانی تۆمەتبارە بە هاوكاری ئیسرائیل و باری تەندروستی تێكچووە
