ئەندامێکی هێزەکانی دژەتیرۆری عێراق لە ئەرکدا. فۆتۆ: دژەتیرۆری عێراق.
دەزگای دژەتیرۆری عێراق
لە هەفتەیەکدا دەستگیرکردنی سێ “تیرۆرست” لە سلێمانی راگەیەندرا
964+
ژووری هەواڵ
دەزگای دژەتیرۆری عێراق دەستگیرکردنی دوو کەسی بە تۆمەتی “تیرۆر” راگەیاند و دەڵێت، یەکێک لە دەستگیر کراوەکان لە پارێزگای سلێمانی بووە.
ئەمڕۆ چوارشەممە 16.10.2024، دەزگای دژەتیرۆری عێراق رایگەیاند، چەند ئۆپراسیۆنێکیان لە دژی چەکدارانی داعش ئەنجامداوە و لە یەکێک لە ئۆپەراسیۆنەکاندا بە هەماهەنگی لەگەڵ دەزگای ئاسایشی هەرێم “تیرۆرستێکیان” لە پارێزگای سلێمانی دەستگیر کردووە.
تۆمەتبارێکی دیکەی “تیرۆر” لە پارێزگای سەڵاحەدین دەستگیر کراوە.
“لە چوارچێوەی ئۆپەراسیۆنەکانی پشکنین و پاککردنەوەی پەناگەی تیرۆریستانی داعش، پاڵەوانەکانمان کۆمەڵێک موشەکهەڵگر و کەرەستەی تەقەمەنییان لە پارێزگای ئەنبار، بیابانی روتبە تەقاندەوە”، دژەتیرۆری عێراق وا دەڵێت.
هەر لەم هەفتەیەدا، دژەتیرۆری عێراق دەستگیرکردنی دوو “تیرۆرستی” دیکەی لە پارێزگای سلێمانی راگەیاند.
