دهۆک
لە مانگێش نزیکەى 30 هەزار مەتردووجا لە مین پاک دەکرێتەوە
964+
وریا فەتاح
دەزگاى گشتى کاروبارى مین بڵاوى کردەوە، لە ناحیەى مانگێشى سەربە دهۆک 29 هەزار و 379 مەتردووجا لە مین و تەقەمەنى پاک دەکرێتەوە و لە هەرێمى کوردستانیش بەهۆى مینەوە تائێستا 13 هەزار و 580 بەرکەوتەى مین هەیە و 200 کیلۆمەترى چوارگۆشەش کێڵگەى مینڕێژ ماوە بۆ ئەوەى پاکبکرێتەوە.
وەک ئەوەى دەزگاکە بڵاوى کردووەتەوە، ئەمڕۆ دووشەممە، تیمەکان لە بەڕێوەبەرایەتى گشتى کاروبارى مین لە دهۆک لە زەوییەکى نوێى مینڕێژکراو دەستبەکار بوون کە دەکەوێتە ناحیەى مانگێش.
وەک ئەوەى باسى دەکات، زەوییەکە لە ساڵى 1981 لەلایەن رژێمى پێشووى عێراقەوە مینڕێژکراوە.
عه‌لى میرانى، به‌ڕێوه‌به‌رى گشتى ته‌كنیكی له ده‌زگاى مین لە مانگى نۆى ئەمساڵ به 964ـى راگه‌یاند، بڕى 400 ملیۆن دۆلار له‌لایه‌ن وه‌زاره‌تى ژینگه‌ى عێراقەوە بۆ پرۆسه‌ى پاكسازى مین و ته‌قه‌مه‌نى له وڵاتى به‌ریتانیا قه‌رز كراوه، ئه‌وانیش پشكی خۆیان له‌و بڕه پاره‌یه دابین كردووه.
وتیشی “پشكی ده‌زگاكه‌مان وه‌كو هه‌رێم بریتییه له 12,67% ـى ئه‌و چوار ملیۆن دۆلاره”.
لاى خۆیەوە، جەبار مستەفا، بەڕێوەبەرى گشتى دەزگاى مینى هەرێم بە 964ـى وت، لەسەرەتاوە 776 کیلۆمەتر چوارگۆشە خاکى هەرێم مینڕێژکرابوو، بەڵام 576 کیلۆمەتر چوار گۆشە پاککراوەتەوە و 200 کیلۆمەترى ماوە”.
لەبارەى ئامارى قوربانیانى مینەوە ئاشکراى کرد، تائێستا 13 هەزار و 580 کەس بەرکەوتەى مینن (گیان لەدەستدان و بریندار)، بەڵام ئامارى وردتر نییە و پێشبینى دەکەین 5000 کەسیان گیانیان لەدەست دابێت بەهۆیەوە.
مینڕێژ
سنووری پێنجوێن
زیاتر لە 41 هەزار مەتر زەوی لە مین پاككرایەوە
MAG ئۆتۆمبێلى بۆ دابینكردوون
شه‌ش تیمى له‌كار وه‌ستاوى ده‌زگاى مین ده‌ستیان به‌كاركرده‌وه
هاوڵاتیان ئاگادار ده‌كرێنه‌وه نزیك نه‌كه‌ونه‌وه
له گوندێكی شێخان زه‌ویه‌كی 200 دۆنمى وه‌ك كێڵگه‌ى مین دیاریكرا
له ناحیه‌ى فایدەى دهۆك
زیاتر له 70 دۆنم زه‌وى دواى پاككردنه‌وه‌ى له ته‌قه‌مه‌نى راده‌ستى خاوه‌نه‌كانیان كرایه‌وه
هاوبه‌شی پلانی ستراتیژى و پێوه‌ره نیشتمانییه‌كان ده‌بێت
ده‌زگاى کاروباری مینى هه‌رێم بووه به‌شێك له ده‌سه‌ڵاتى نیشتمانیى عێراق
حکومەت رەزامەندی داوە
ده‌زگاى مینى هەرێم پێویستى به 48 ئۆتۆمبێله به كرێی بگرێت
"گیانتان پارێزراو بێت"