رووداوێکى هاتوچۆ لە کەلار...وێنە: هاتوچۆى گەرمیان
دوانیان ماتۆڕ بووە
لە ئێوارەوە سێ رووداوى هاتوچۆ لە گەرمیان روویانداوە
964+
وریا فەتاح
هاتوچۆى گەرمیان بڵاوى کردەوە، لە ئێوارەى ئەمڕۆ هەینییەوە تا کاتژمێر 9:30 خولەک، سێ رووداوى هاتوچۆ لە گەرمیان روویانداوە و چوار کەس بریندار بوون.
بەپێى راگەیەنراوى هاتوچۆى گەرمیان بێت لە دوو رووداویاندا ماتۆڕسکیلى تێدا بووە.
وەک باسى دەکات، رووداوی یەکەم لە گوندی ساڵەح ئاغا، لە نێوان ماتۆڕسکیلێک و ئۆتۆمبێلێکی جۆری جێب واز رووویداوە کە لە جۆرى پێکدادان بووە و بەهۆیەوە لێخوڕی ماتۆڕەکە برینداربوو.
رووداوى دووەمیش وەک باسى لێوەکراوە، لە نزیک قەڵای شێروانە لەنێوان سێ ئۆتۆمبێلی جۆری تۆیۆتا لاندکرۆزەر و نیسان پیکاب و ئۆتۆمبێلێکی جۆری ئۆپڵ، روویداوە و لەم رووداوەشدا دوو سەرنشین بریندار بوون.
سەربارەت بە رووداوى سێیەم، هاتوچۆى گەرمیان بڵاوى کردووەتەوە کە ئەم رووداوە لە ترافیک لایتی نەخۆشخانەی شێرەی نەقیب لەنێوان دوو ماتۆڕسکیل روویداوە و بەهۆیەوە لێخوڕی یەکێک لەماتۆڕ سکیلەکان برینداربوو رەوانەی نەخۆشخانەی فریاکەوتنی شەهید هەژار کراوە.
