بازاڕی بۆرسەی هەولێر

نرخی دۆلار لە چاو دوێنێدا دابەزی ئەمڕۆ 153 هەزارە

11:43

964+

توانا نەقی

لە ماوەی سێ رۆژی رابردوودا بەهای دۆلار بەرامبەر دینار بەشێوەیەکی بەرچاو بەرزبووە و هۆکارەکەش ئەو موشەکانە بوو کە ئێران گرتنیە ئیسرائیل.

لە بازاڕی بۆرسەی هەولێر بۆ ئەمڕۆ پێنجشەممە و لەگەڵ کردنەوەی بازاڕەکان نرخی 100 دۆلار بەرامبەرە بە 153 هەزار دیناری عێراقی.

کەیفی خۆشناو وتەبێژی بازاڕی دراوی هەولێر بە 964ـی وت، هەرچەندە ئەمڕۆش دۆلار بەرزە و بە 153 هەزار دینارە بەڵام لە چاو دوێنێدا 1000 دینار دابەزیوە و دوێنێ گەیشتە 154 هەزار دینار.

وتیشی، ئەمڕۆ پێنجشەممەیە و کۆتایی هەفتەیە رەنگە کەمێکی دیکە زیاتر دابەزێت بەڵام بەهۆی گرژیەکانی ناوچەکەوە هەر بەبەرزی بەشێوەیەکی گشتی دەمێنێتەوە .

لە بازاڕی بۆرسەی هەولێر بەهای دۆلار بەم شێوەیە:

100 دۆلار بەرامبەرە بە 153 هەزار دیناری عێراقی

100 دۆلار بەرامبەرە بە 6 ملیۆن تمەنی ئێرانی

100 دۆلار بەرامبەرە بە 3 هەزار و 425 لیرەی تورکی