دەستەی ژینگە داوا دەکات ساڵی نوێی خوێندن بكرێتە ساڵی ژینگە لە قوتابخانەكاندا
دەستەی ژینگە:
با ساڵی نوێی خوێندن بكەینە ساڵی ژینگە لە قوتابخانەكاندا
964+
شۆڕش قادری
دەستەی پاراستن و چاککردنی ژینگەی هەرێم داوا دەکات، ساڵی نوێی خوێندنی ئەمساڵ بكرێتە ساڵی ژینگە لە قوتابخانەكاندا.
عه‌بدولڕه‌حمان سدیق سەرۆکی دەستەی گشتی ژینگەی هەرێم لە راگەیەنراوێکدا دەڵێت، “لەبەر گرنگیی پاراستن و چاككردنی ژینگە و بەمەبەستی پەرەپێدانی هۆشیاریی ژینگەیی و قەرەبووكردنەوەی ئەو زیانانەی بە ژینگەمان گەیشتوون، باش وایە ناوەندەكانی خوێندن ئارەزوومەندانە ماوەی خوێندنی ئەمساڵ بە ساڵی ژینگە ناو بنێن لە خوێندنگە و قوتابخانەكاندا و زنجیرە چالاكییەك رابگەیەنن لەم بوارەدا وەك ئەم چالاكییانەی لای خوارەوە”:
1- پێشبڕكییەك بۆ هەڵبژاردنی باشترین دیزاینی لۆگۆ و دروشمی ساڵی ژینگە لە قوتابخانەكەدا.
2- خەڵاتی باشترین سێ پێشنیازی كرداری بۆ جوانكردنی ژینگەی قوتابخانە
3- سازكردنی پێشبڕكێی دووبارە بەكارهێنانەوەی شتومەكەكان
4- رێكخستنی كۆنفرانسێكی زانستی لە رۆژی ژینگەی كوردستاندا.
5- رێكخستنی پێشبڕكییەك بۆ باشترین سێ پڕۆژەی كورتە فیلمی پێنج خولەكی لەبارەی ژینگەوە.
6- پێشبڕكییەك بۆ هەڵبژاردنی باشترین سێ چالاكی هونەری و ئەدەبی تایبەت بەمنداڵان
7- رێكخستنی پێشانگەیەك بۆ ئەو بەرهەم و ئامێر و پێداویستییانەی كە هاوڕێی ژینگەن
8- دروستكردنی كتێبخانەیەكی بچووكی ژینگەیی و هاندانی لایه‌نه ژینگه‌ییه‌كان و قوتابیان بۆ پڕكردنەوەی بە كتێب و گۆڤارە ژینگەییەكان
9- رێكخستنی پێشبڕكێی پاكترین و جوانترین سێ پۆلی قوتابخانە بەپێی پێوەر و ستانداردە ژینگەییەكان.
10- هەڵبژاردنی باشترین سێ رێكخەری كەمپینی ژینگەیی تایبەت بە بوارێكی دیاركراوی ژینگە لە قوتابخانەدا
11- خەڵاتی باشترین سێ توێژینەوەی ژینگەیی بۆ قوتابیان و خوێندكاران
12- پێشبڕكێیەك بۆ هەڵبژاردنی چالاكترین سێ مامۆستا لە بواری پاراستنی ژینگەی قوتابخانەدا
عه‌بدولڕه‌حمان سدیق سەرۆکی دەستەی ژینگە دەشڵێت، “وەك میكانیزمێكی كرداریی بۆ ئاگاداربوون و سەرپەرشتیكردنی ئەم هەڵمەت و چالاكییانە، وا باشە بەڕێوەبەرایەتی قوتابخانە، دەستەیەكی سەرپەرشتیار و ناوبژیوانی لە سێ مامۆستای قوتابخانە دیاری بكات.
دەستەی ژینگە داوا دەکات ئۆتۆمبێلی کارەبایی لە کرێی تابلۆش ببەخشرێت
