سایلۆى سەید سادق..
لە سەیدسادق
چەکی شایستە داراییەکانی جوتیاران دابەش دەکرێت
964+
شۆڕش قادری
سایلۆی سەیدسادق جوتیاران ئاگادار دەکاتەوە، سبەینێ بچن چەکی شایستە داراییەکانیان وەربگرن.
سایلۆی سەیدسادق لە ئاگادارییەکدا دەڵێت، “سبەینێ سێشەممە 24.9.2024 دەست دەکرێت بە دابەشکردنی چەکی پارەی گەنمی 2024 و تا ژمارە کارتی (1000) دابەش دەکرێت.
پارەی گەنمی جوتیارانى هەرێم بۆ ئەمساڵ 485 ملیار دینارە، 685 هەزار و 974 تۆن گەنمى جوتیارانیش لەلایەن سایلۆکانی هەرێمی کوردستانەوە وەرگیراوە.
پێشتر نەوزاد شێخ کامیل، بەڕێوەبەری بازرگانی لە وەزارەتی بازرگانی و پیشەسازی بە 964ـی وتبوو، “دوایین جار بەغدا 150 ملیار دیناری گەنمی جوتیارانی ناردووە و بڕى ئەو پارەیەی کە بۆ گەنمی جوتیارانی پارێزگای سلێمانی تەرخانکراوە، بریتییە لە 67.8 ملیار دینار.
لەو 150 ملیار دینارەی بڕیاری خەرجکردنی دراوە، بڕی 47 ملیار و 373 ملیۆن و 835 هەزار دیناری پارەی گەنمی جوتیارانی سنووری پارێزگای هەولێرە و بڕی 35 ملیار و 541 ملیۆن و 48 هەزار دیناریش پارەی گەنمی جوتیارانی سنووری پارێزگای دهۆکە.
ئەمساڵ، له‌لایه‌ن حكومه‌تى عێراقه‌وه، بڕی 700 هەزار تۆن گەنم لە جوتیارانی هەرێمی کوردستان وەرگیراوە، و بەپێی رێککەوتنی وەزارەتی کشتوکاڵی هەرێم و وەزارەتی بازرگانیی عێراق 228 هەزار تۆن بۆ پارێزگای هەولێر، 282 هەزار تۆن بۆ پارێزگای سلێمانی و 189 هەزار تۆنیش بۆ پارێزگای دهۆک دیاری کرابوو.
سبەینێ دادگاى فیدڕاڵى لەسەر سکاڵاى جوتیارانى سەرگەڕان و داقوق کۆدەبێتەوە
ئەم هەفتەیە نۆرەی جوتیارانی پارێزگای سلێمانیە
