گەشتیارێك لە ئاوی تەقتەق لە مردن رزگار كرا

964+
ئەرسەلان عەبدوڵا

دوای نیوەڕۆی ئەمڕۆ هاوڵاتییەك كە گەشتیار بووە، لە ئاوی تەقتەق خەریك بووە بخنكێت، بەڵام تیمی غەواس بەفریای كەوتن و رزگاریان كرد.

گۆران ئەحمەد سماقە، بەڕێوەبەرایەتیی بەرگریی شارستانیی كۆیە بە تۆڕی 964 راگەیاند، دوای نیوەڕۆی ئەمڕۆ گەنجێكی لەدایكبووی 2009، كە دانیشتووی كەركوكە، بە مەبەستی گەشت و سەیران هاتبووە سنووری تەقتەق و مەلەی كردووە، بەڵام شارەزا نەبووە و خەریك بووە بخنكێت، بەڵام تیمی ئێمە لە بنكەی غەواسی تەقتەق خێرا فریای كەوتوون و توانیان لە مردن رزگاری بكەن.

وتیشی، گەنجەكە ناوی “ر. ک. ع”ـە و ئێستا تەندروستی باشە.

سیناریۆیەك دووبارە بووەتەوە

رۆژی 6ی ئەم مانگەش رووداوێكی هاوشێوە هەر لە ئاوی تەقتەق هەبوو، گەنجێكی خەڵكی كەركوك لە خنكان رزگار كرا، كە بە هەمان شێوە بۆ گەشت و سەیران هاتبووە سنوورەكە و شارەزای مەلەوانییش نەبووە، بەڵام ئەویان لەدایكبووی 2006 بوو.

لە تەقتەقیش کەسێک لە خنکان رزگار کرا