دیمهنێكی دهرهوهى بیناى وه‌زاره‌تى دادى هه‌رێم كه له سۆشیاڵ میدیاكهیان بڵاوكراوهتهوه.
مۆڵەتدراوه بێ موچەكانیش ده‌گرێته‌وه
وه‌زاره‌تى داد هۆشدارى ده‌داته به‌شێك له فه‌رمانبه‌ره‌كانى
964+
فه‌رهاد حه‌سه‌ن
وه‌زاره‌تى دادى هه‌رێم هۆشدارى ده‌داته به‌شێك له فه‌رمانبه‌رانى كه ئه‌گه‌ر بایۆمه‌ترى نه‌كه‌ن، ناویان له لیستى موچه‌دا ده‌سڕێته‌وه و دووباره‌ش ناویان تۆمار ناكرێته‌وه.
هۆشدارییه‌كه‌ى وه‌زاره‌تى داد، له‌رێگه‌ى بەڕێوبەرایەتیی ژمێریاری ئاراسته‌ى فه‌رمانگه و به‌ڕێوه‌به‌رایه‌تییه‌كانى كراوه، ئه‌وانه‌ش ده‌گرێته‌وه كه مۆڵەتی بێ موچەیان وەرگرتووە و بایۆمەترییان نەكردووە، بە زووترین کات سەردانی فەرمانگەکانیان بکەن.
وەزارەتی داد جەختی کردووەتەوە، لەسەر راسپاردەی وەزارەتی دارایی و ئابووريی حکومەتی هەرێمی کوردستان، دوا مۆڵەت بۆ ئەنجامدانی بایۆمەتری مانگی تشرینی دووەمی 2024 دەبێت.
