باڵەخانەی ژووری بازرگانی و پیشەسازی هەولێر _ وێنە: 964
پێچەوانەی یاسایە و سزا دەدرێن
ئاگادار بن زەوی لە ناوچەی پیشەسازی تیماری گەورە مەکڕن
+964
ژێوار خدر
نوسینگەکانی کڕین و فرۆشتنی زەوی ئاگادار دەکرێنەوە، بەهیچ شێوەیەک کڕین و فرۆشتن بە زەوییەکانی ناوچەی پیشەسازی تیماری گەورەوە نەکەن، چونکە پێچەوانەی یاسای وەبەرهێنانە.
ژووری بازرگانی و پیشەسازی هەولێر دوێنێ چوارشەممە 11.9.2024، ئاگادارییەکی بڵاوکردووەتەوە دەڵێت، نابێت کڕین و فرۆشتن بە زەوییەکانی ناوچەی پیشەسازی تیماری گەورەوە بکرێت، چونکە ئەو زەوییانە ئەو زەویانە بۆ پڕۆژەی پیشەسازی تەرخانکراون و موڵکی دەوڵەتن.
دەشڵیت، مامەڵە کردن بە موڵکی دەوڵەتەوە پێچەوانەی یاسا و رێنماییەکانە، سزای یاسایی لەسەرە و بەدەرە لە کاری رێگەپێدراوی نووسینگەکان.
