سەرۆكی ئێران تاجەگوڵینەی لەسەر مۆنۆمێنتی سولەیمانی و ئەبومەهدی دانا

964+

ئەرسەلان عەبدوڵا

لە كاتی گەیشتنی بە فڕۆكەخانەی بەغدا، سەرۆك كۆماری ئیسلامیی ئێران مەسعود پزیشكیان تاجەگوڵینەی لەسەر مۆنۆمێنتی قاسم سولەیمانی و ئەبومەهدی موهەندیس دانا.

ئەمڕۆ چوارشەممە 11.9.2024 سەرۆك كۆماری ئیسلامیی ئێران گەیشتە بەغدا و لە لایەن سەرۆك وەزیرانی عێراق محەمەد شیاع سودانی پێشوازی كرا.

هەر لەگەڵ گەیشتنی بە فڕۆكەخانە، پزیشكیان تاجەگوڵینەی لەسەر مۆنۆمێنتی قاسم سولەیمانی، فەرماندەی فەیلەقی قودسی سوپای پاسداران و ئەبومەهدی موهەندیش سەرۆكی دەستەی حەشدی شەعبی دانا، كە هەردووكیان لە هێرشێكی ئەمریكا لە فڕۆكەخانەی بەغدا لە ساڵی 2020 كوژران.

پزیشكیان ئەمڕۆ بە سەردانێكی سێ رۆژ گەیشتە عێراق و بڕیارە سەردانی هەولێر و سلێمانییش بكات.

سەرۆكی نوێی ئێران بناسە