دیمەنی چەند عەدادێکی بەنزینخانە.
"هەمووکات دەستکراوەین بۆ ئەو کارە"
دوای بڕیارەکەی سامانە سروشتییەکان نرخی بەنزین چی لێهات؟
964+
شۆڕش قادری
تا ئێستا بڕیارەکەی وەزارەتی سامانە سروشتییەکان بۆ زیاتر هاوردەکردنی بەنزین و سووتەمنی کاریگەری لە سەر بازاڕ نەبووە و نرخی بەنزین وەک خۆی ماوەتەوە.
رۆژی پێنجشەممە 5.9.2024 وەزارەتی سامانە سروشتییەکانی هەرێم رایگەیاند، دەستیکردووە بە ئامادەکارییەکان بۆ دابەشکردنی نەوتی سپی و بڕیاریانداوە، لەڕێی زیاتر هاوردەکردنی بەنزینی بازرگانی، نرخی بەنزینی نۆرماڵ کەم بکەنەوە.
سەبارەت بەو پرسە، بەهمەن قادر وتەبێژی بەنزینخانەکانی سلێمانی بە 964ـی وت، “حکومەتی هەرێمی کوردستان بەردەوام کۆکە لەسەر ئەوەی بەنزین و سووتەمەنی لە هەموو سنوورەکانەوە داخلی هەرێم ببێت و ئێمەش دەستکراوەین بۆ ئەوە کارە”.
“هەموو پشتیوانییەکی حکومتی هەرێم یاخود حکومەتی عێراق بۆ دابینکردنی سووتەمەنی شتێکی باشە بەڵام تا ئەم کاتە نرخی بەنزین لە سلێمانی وەک خۆیەتی و هیچ گۆڕانکارییەکی بەسەردا نەهاتووە”، بەهمەن قادر وای وت.
بەپێی زانیارییەکانی 964، ئەمڕۆ هەینی 6.9.2034 نرخی هەر لیترێکی بەنزین نۆرماڵ لە سلێمانی 900 دینار، موحەسەن هەزار و 125 دینار، سۆپەر هەزار و 275 دینار و نرخی هەر لیترێک گازیش، 650 دینار بووە.
ئامادەکارییەکان بۆ دابەشکردنی نەوت و دابەزاندنی نرخی بەنزین دەستیپێکرد
