بینای بەڕێوەبەرایەتی هاتوچۆی دهۆک - وینە هاتوچۆی دهۆک
رێژەی لێخوڕینیان بۆ دیاری کراوە
لە 28ـی ئەم مانگەوە چەندین کامێرای تیژڕەوی لە دهۆک دەکەونە کار
+964
توانا نەقی
هاتوچۆی دهۆک شۆفێران ئاگادار دەکاتەوە کە لە رۆژی چوارشەممەی داهاتووەوە چەندین کامێرای تیژڕەوی جێگیر لە شەقامەکانی دهۆک دەکەونە کار و رێژەی تیژڕەویشی بۆ دیاری کردوون.
ئەمڕۆ پێنجشەممە، ئازاد تەها وتەبێژی هاتوچۆی دهۆک لە پەیجی خۆی بڵاویکردەوە، لە رۆژی چوارشەممەی داهاتوو 28.8.2024 سەرجەم ئەو کامێرا جێگیرانەی لە شەقامەکان دانراون دەکەونە کار و سەرپێچی تۆمار دەکەن.
بە پێی بڵاوکراوەکەی هاتوچۆ ئەم شەقامانە شۆفێر دەتوانێت بەم بەم رێژەیە لێبخوڕێت:
– شەقامی گەڤەرکێ 60 کیلۆمەتر لە کاتژمێرێکدا.
– شەقامی چاکسازی زرکا 60 کیلۆمەتر لە کاتئمێرێکدا بۆ هاتن و رۆشتن.
– شەقامی ئەڤریکی 60 کیلۆمەتر لە کاتژمێرێکدا.
شەقامی چرەی بووە بە 60 کیلۆمەتر لە کاتژمێرێکدا.
– شەقامی سەرەکی دهۆک بۆ هەولێر لە ئۆڤەرپاسی سێگردکای ناحیەی رۆڤیا 40 کیلۆمەتر دەبیت لە کاتژمێرێکدا.
– ئۆڤەرپاسی بەعەدرێ بۆ تافیکلایتی چوارڕیانی شێخان، بۆ ئۆتۆمبێلی بچوک 100 کیلۆمەترە لە کاتژمێرێکدا و بۆ ئۆتۆمبێلی بارهەڵگر 80 کیلۆمەترە لە کاتژمێرێکدا.
