کۆنتڕۆڵکردنی ئاگرەکە ئەستەمە
دوو رۆژە ئاگر بەرۆکی چیای شەنگال بەرنادات
+964
دلوڤان زێباری – دهوک
ماوەی دوو رۆژە ئاگر لە چیای شەنگال کەوتووەتەوە و هێشتا کۆنتڕۆڵ نەکراوە.
نایف شەمۆ خودێدا هاوسەرۆکی بەڕێوەبەری خۆسەری شەنگال بە 964ـی وت، “دوو رۆژە چیای شەنگال ئاگری گرتووە و تا ئێستا بە دەیان دۆنم زەوی سووتاوە و خەڵکی ناوچەکەش هەوڵی کوژاندنەوەی ئاگرەکە دەدەن”.
“ناوچەکە شاخاوییە و هیچ ئامێریکی ئاگرکوژێنەوە ناگاتە سەر چیاکە، بۆیە کوژاندنەوەی ئاگرەکە ئەستەمە”، نایف شەمۆ وای وت.
ئاماژەی بەوەشکرد، هەوڵەکانیان بۆ کوژاندنەوەی ئاگرەکە بەردەوامە و پێشبینی دەکەن تا بەیانی رۆژی چوارشەممە 21.8.2024 ئاگرەکە کۆنتڕۆڵ بکەن.
چیای شەنگال بە بەرزیی هەزار و 463 مەتر لە باکووری قەزای شەنگال هەڵکەوتووە.
پێداچوونەوە: شۆڕش قادری
