لە سنە نەشتەرگەری بڕبڕەی پشت بۆ گەنجێک کرا و لە ئیفلیج بوون رزگار کرا - وێنە: مێهر نیوز
یەکەمجارە نەشتەرگەرییەکە لە سنە دەکرێت
نەشتەرگەری بڕبڕەی پشت بۆ گەنجێک کرا و لە ئیفلیجبوون رزگار کرا
964+
شۆڕش قادری
لە شاری سنەی رۆژهەڵاتی کوردستان، بۆ یەکەمجار نەشتەرگەرییەکی قورسی بڕبڕەی پشت بۆ گەنجێک کرا و لە ئیفلیجبوون رزگار کرا.
د. شوکروڵا زەندی پزیشکی مێشک و دەمار بە ئاژانسی هەواڵی مێهری راگەیاندووە، “نەشتەرگەرییەکی قورس و ئاڵۆزمان بۆ گەنجێکی تەمەن 20 ساڵ کرد کە لە رووداوێکی هاتوچۆدا بڕبڕەکانی پشت و ملی شکابوو و خەریک بوو ئیفلیج دەبوو، بەڵام ئێستا تەندروستی باشە و بەرەو باشبوون دەڕوات”.
“بۆ یەکەمجارە ئەو نەشتەرگەرییە، بە بەکارهێنانی تەکنیکی پێشکەوتوو و ئامێری نوێ لە پارێزگای سنە ئەنجام دەدرێت و توانیمان ئەو بڕبڕانەی زیانیان بەرکەوتبوو، بخەینەوە شوێنی خۆیان و گەنجەکە لە ئیفلیج بوون رزگار بکەین”، د. شوکروڵا زەندی وای وت.
ئاشکراشی کرد، نەشتەرگەرییەکە لە نەخۆشخانەی (کەوسەر)ی سنە ئەنجام دراوە و ئەوەش سەرکەوتنێکی گەورەیە بۆ کارمەندان و پزیشکانی نەخۆشخانەکە.
د. شوکروڵا زەندی دەشڵێت، “ئەنجامدانی ئەو جۆرە نەشتەرگەرییە پیشانی دا پزیشکانی ئێرانی دەتوانن نەشتەرگەری ئاڵۆز و قورس ئەنجام بدەن و چیدی پێویست ناکات نەخۆش رەوانەی دەرەوە بکەین”.
لە سنە ژنێک لە لایەن هاوسەرەکەیەوە کوژرا
