مالێدەری تەوێڵە بوو بە خاوەن قادرمەیەکی نوێ

964+
ئەحمەد مستەفا

شارەوانی تەوێڵە، بە سوود وەرگرتن لە دەیان بەرد دەستیان کرد بە دانانی قادرمە بۆ گەڕەکی مالێدەر لە شارەدێکە و چین چین بۆیان دانان، تا ئاسان هاتوچۆی لە رێگەوە بکەن.

تەوێڵە خۆی لە سێ گەڕەکی سەرەکی پێکهاتووە، چلانە، هانە سوسو و مالێدەر، هەڵکەوتەی جوگرافییەکەیان وایە بە قەد بەرزایی و شاخەوەن، جگە لەوەی زۆرینەیان قادرمە و پلیکانە رێگەی سەرەکی هاتوچۆیانە، هەندێک گەڕەکیان هێشتا لە لێژگایی و خۆڵەوە دێن و دەچن.

ئەمڕۆ دووشەممە 19.8.2024، سەرۆکایەتی شارەوانی تەوێڵە لە ئەکاونتی خۆی ژمارەیەک وێنەی بڵاوکردووەتەوە و نوسیوویەتی، “بەشی خزمەتگوزاری شارەوانیمان هەستان بە دروستكردنی قادرمەی بەرد لە كەرتی مالێدەر و لە بەردەم مزگەوتی باساكا، كە ببووە هۆی ئاستەنگی بۆ هاتوچۆی هاوڵاتییان لەو سنورە”.

تەوێڵە خاوەنی نزیکەی 1000 ماڵە ناوچەیەکی سنوورییە، لە زستان تەنیا 600 ماڵیان لەوێ دەمێننەوە، کڕێوەیە و بەرگە گرتنی ئاسان نابێت، لە سەنتەری هەڵەبجەوە، بە دووری 20 کیلۆمەتر، کەوتووەتە رۆژهەڵاتی پارێزگاکە، خاوەن مەرزی شوشمێ و سەیرانگە پڕ لە گەشتیارەکەی ئاوێسەرە.

دیمەنی کاری تیمەکانی شارەوانی تەویڵە؛

+2