حەبى کاپتاگۆن
10 بازرگان بوون
“لە بەغدا گەورەترین تۆڕى بازرگانیکردن بە مادەى هۆشبەر دەستگیرکران”
964+
وریا فەتاح
لە بەغدا دادگای لێکۆڵینەوەی کەرخ دەستگیرکردنى گەورەترین تۆڕى مادەى هۆشبەرەکانى راگەیاند و دەستیان بەسەر 221 کیلۆ حەبى مادەى هۆشبەریشدا گرت.
ناوەندی راگەیاندنی ئەنجوومەنی باڵای دادوەری لە بەیاننامەیەکدا بڵاوى کردووەتەوە کە گەورەترین باندی بازرگانی مادەی هۆشبەر لە بەغدا کە لە 10 بازرگان پێکهاتوون دەستگیرکراون.
وەک باسى دەکات لەناو دەستگیرکراوەکاندا کەسانى هەڵگرى ناسنامەى بیانى و دەرەوەى عێراقى تێدایە.
هەر لە راگەیەندراوەکەدا هاتووە، لەکاتی دەستگیرکردنی ئەو تۆڕە گەورەی بازرگانانی ماددەی هۆشبەر، دەستیان بەسەر 221 کیلۆ حەبی هۆشبەری کاپتاگۆندا گرتووە.
