دیمهنى چهند حه‌وزى ماسییهك له سنوورى ناحیهى سێگردكان... وێنه: سۆشیاڵ میدیاى سێگردكان
پابه‌ند نه‌بیت 10 رۆژ بێ كاره‌با ده‌بێت
له سێگردكان كارپێكردنى نافوره‌ى حه‌وزى ماسی له رۆژدا قه‌ده‌غه‌كرا
964+
فه‌رهاد حه‌سه‌ن
بەڕێوه‌بەرایەتی ناحیەی سێگردکان ده‌ڵێت، هه‌ر نافورەیەکی حەوزی ماسی له رۆژدا کار بکات، ماوه‌ى 10 رۆژ کارەبا نیشتیمانییه‌كه‌ى له‌سه‌ر ده‌بڕێت.
ناحیه، ئاگادارای هەموو خاوەن حەوزی ماسی و خاوەن غەتاسی کشتوکاڵی سنوری گوندەکانی كردووه‌ته‌وه، كه بەرنامەیان بۆ ئیشپێکردنی کارەبای نیشتیمانی له هەفتەی داهاتوو ته‌نیا به شه‌و پێیان ده‌درێت.
گوندەکانی سارتک، ئاوماڵ، تازەدێ، سێکانی و قەمبەر شه‌وانى پێنچشەممه، هەینی، شەممە، یەکشەممه و دووشەممه لە کاتژمێر 6:00تی ئێوارە تاوه‌کو 9:00ـی شەو كار بە کارەبای نیشتیمانی دەکەن.
رۆژی سێشەممە و چوارشەممە سێگردکان و هەموو گوندەکان دەتوانن بە بەردەوامی ئیش بەکارەبای نیشتیمانی بکەن چونکە لە گوندی گەرمک و کانی لەلە و دەواجن کارەبا دەکوژێندرێتەوە.
ئاماژه‌ى به‌وه‌شكردووه، هەر هاوڵاتیەک پابەند نەبێت بەم بەرنامەیەی کە بۆی دیاریکراوە بۆ ماوەی 10 رۆژ کارەبای نیشتیمانی لێ دەبڕدرێت .
داواشیان لێده‌كات کەمترین ئامێرە کارەباییەکانیان ئیش پێبکەن تەنها بۆ کاتی زۆر پێویست نەبێت.
هه‌موو ئه‌و زانیاریانه‌ى سه‌ره‌وه له بنکەی چاکكردنەوەی کارەبای سێگردکانى سەر بە قەزای کۆیە بۆ ناحیه نێردراوه و ئه‌وبیش له سۆشیاڵ میدیاكه‌ى بڵاویكردووه‌ته‌وه.
